Yeni Bakcell tətbiqi.

Mobil Telefonların Qeydiyyatı Qaydaları

“Mobil cihazların qeydiyyatının aparılması Qaydası” Azərbaycan Respublikası Nazirlər Kabinetinin sərəncamı ilə təsdiq edilmişdir.

Mobil telefonların qeydiyyatının aparılması ölkəmizin mobil rabitə sahəsində mövcud olan bir neçə problemə qarşı eyni zamanda təsirli mübarizə aparmaq imkanı yaradır. Bu xidmət aşağıda qeyd edilmiş problemlərin baş verməsi hallarını aradan qaldırır:<ul><li>Mobil telefonların oğurluq halları; </li><li>Qeyri-qanuni idxal və qaçaqmalçılıq;</li><li>IMEI kodların saxtalaşdırılması və ya klonlaşdırılması.</li></ul>

Qeydiyyatın əhəmiyyəti. Nə üçün mobil telefonumun IMEI kodu Azərbaycanda qeydiyyata alınmalıdır?

Mobil telefonların IMEI kodlarının qeydiyyatı əməliyyatını bir neçə vasitə ilə həyata keçirmək olar. Bu baxımdan qeydiyyat Azərbaycan Respublikası gömrük orqanları və yaxınlıqdakı poçt şöbələri tərəfindən aparıla bilər. Mobil telefonunun qeydiyyatını həyata keçirmək istəyən şəxs yuxarıda qeyd edilən mərkəzlərə yaxınlaşaraq onlara təqdim edilən ərizə formasını doldurmalıdır.Şəxsi istifadə məqsədi ilə ölkə ərazisinə mövcud qanunvericiliyə müvafiq olaraq gətirilən hər bir mobil cihazın IMEI nömrəsi ən geci 30 (otuz) gün müddətində tələb olunan sənədlər təqdim edilməklə qeydiyyatdan keçirilməlidir. Yeni gətirilən cihazdan istifadə edildikdə, həmin cihaza mesaj göndəriləcək və 30 gün ərzində qeydiyyatdan keçirilməsi bildiriləcəkdir. Tələb olunan müddət bitdikdən sonra, mobil cihaz qeydiyyata alınmazsa, onun IMEI nömrəsi qara səhifəyə daxil ediləcəkdir. Abunəçilərə rahatlıq yaradılması məqsədi ilə <a href="www.imei.az" target="_blank">www.imei.az</a> internet səhifəsinin yaradılmışdır ki, abunəçilər istifadə edəcəkləri mobil cihazların IMEI nömrələri barədə məlumatları həmin Internet səhifəsindən əldə edə biləcəklər.

Qeydiyyat. Mobil telefonların IMEI kodlarının qeydiyyatı harada və kim tərəfindən həyata keçiriləcək?

IMEI kod (International Mobile Equipment Identity - Mobil cihazın beynəlxalq tanınması) konkret bir cihazın və onun modelinin tanınmasını təmin edir. Kod 15 rəqəmdən ibarətdir və başqa cihazlardakı tanınma kodları ilə heç vaxt üst üstə düşməməlidir. Kodun ilk altı rəqəmi telefon modelini bildirir. Növbəti iki rəqəm istehsalçı ölkənin kodudur.Ondan sonrakı altı rəqəm telefonun seriya nömrəsidir. Kodun son rəqəmi ehiyat təyinedicidir, hansı ki əvvəlki rəqəmlər əsasında xüsusi alqoritmlə hesablanır.Mobil telefonunuzun IMEI kodunu təyin etmək üçün telefonunuzun ekranında <a href="tel: *#06#" target="_blank">*#06#</a> yığmağınız kifayətdir. Bu kod mobil tefonun qutusu üzərində də qeyd olunur.

IMEI kod nə deməkdir və onu necə təyin etməli?

Hal-hazırda və ya uzun müddətdir istifadə etdiyiniz mobil telefon və ya telefonları qeydiyyatdan keçirməyə ehtiyac yoxdur. Çünki sizin mobil telefonunuz avtomatik olaraq qeydiyyatı alınmış telefonlar siyahısına daxil edilir.

İstifadədə olan telefonlar. Hal-hazırda və ya uzun müddətdir istifadə etdiyim telefonu necə qeydiyyatdan keçirə bilərəm?

Satış və digər sahibkarlıq fəaliyyəti* məqsədi ilə mobil cihazları ölkəyə idxal edən bütün hüquqi və fiziki şəxslər idxal etdikləri mobil telefonları qeydiyyatdan keçirməlidir.* Telefondan şəxsi istifadə, xidmət məqsədləri üçün istifadə və s. nəzərdə tutulur.

Qeydiyyat kimlərə aiddir? Bəs mobil telefonların qeydiyyatı hansı telefonlara şamil edilir?

Əgər ərizəçi fiziki şəxs kimi idxal etdiyi mobil telefon şəxsi istifadə üçün nəzərdə tutubsa, həmin şəxs aşağıdakı sənədləri təqdim etməlidir:<ul><li>Şəxsiyyətini təsdiq edən sənədin surəti (Əslini göstərməklə); </li><li>Telefonun özü (markasını, modelini və IMEI kodunu bildirməklə);</li><li>Müvafiq ərizə forması.</li></ul>Satış və digər sahibkarlıq fəaliyyəti məqsədi ilə mobil cihazı idxal edən hüquqi şəxsdirsə:<ul><li>Dövlət qeydiyyatı barədə sənədin surəti; </li><li>Şəxsiyyətini təsdiq edən sənədin surəti (Əslini göstərməklə);</li><li>Vergi orqanları tərəfindən uçota alınması haqqında şəhadətnamənin surəti;</li><li>Uyğunluq sertifikatının surəti. (Bütün sənədlərin əslini göstərməklə).</li></ul>

Sənədlər. Qeydiyyat üçün hansı sənədlər tələb olunur?

Satış və digər sahibkarlıq fəaliyyəti məqsədi ilə idxal edilmiş bütün mobil telefonların qeydiyyatı zəruridir. Şəxsi istifadə məqsədi üçün ölkəyə gətirilmiş telefonlar 30 gün ərzində qeydiyyatdan keçirilir.Qeydiyyat üçün müraciət ərizəsinə 3 iş günü ərzində baxılır. Təqdim etdiyiniz sənədlərdə heç bir çatışmamazlıq aşkarlanmadıqda (“Mobil cihazların qeydiyyatının aparılması Qaydası”na uyğun olaraq) telefonunuzun IMEI kodu qeydiyyata alınacaq. Əks halda isə mobil cihazınız bağlanacaq.

Qeydiyyat müddəti. Mobil telefonların qeydiyyatı zəruridirmi və qeydiyyat hansı müddətdə həyata keçirilir

Şəxsi istifadə məqsədi ilə ölkəyə gətirilən mobil cihazların hər bir İMEİ nömrəsinin qeydiyyatı 5 (beş) manat təşkil edir.

Ödəniş. Telefonumu qeydiyyatdan keçirtmək üçün nə qədər xidmət haqqı ödəməliyəm?

<ul><li>Telefon müvafiq qaydalar əsasında vaxtında qeydiyyatdan keçməsə;</li><li>Qaçaqmalçılıq yolu ilə ölkəyə gətirilərsə;</li><li>Telefon itirildiyi və yaxud oğurlandığı halda;</li><li>Qeydiyyat zamanı ərizədə göstərilən mobil cihazın IMEI kodunun, qeydiyyatı keçirilən telefonlar siyahısında mövcudluğu və ya surətinin köçürülməsi halı aşkarlanarsa;</li></ul>mobil cihazın fəaliyyəti dərhal dayandırılacaq.IMEI kodlardan hansının orijinal mobil telefona aid olub-olmamasını isə Qeydiyyat Mərkəzi müvafiq prosedura əsasında təyin edəcək.

Telefonun bağlanması. Hansı hallarda mobil telefonun fəaliyyəti dayandırıla (bağlana) bilər?

Mobil telefonunuzu yalnız oğurlandığı və itirildiyi hallarda bağlatdıra bilərsiniz. Hüquq Mühafizə orqanları tərəfindən verilmiş, yuxarıdakı halları təsdiq edən arayış və şəxsiyyətinizi təsdiq edən sənədi Bakcell Müştəri Xidmətləri Mərkəzinə təqdim etməklə siz 24 saat ərzində telefonunuzun fəaliyyətinin bağlatdıra bilərsiniz. Bu xidmət üçün heç bir ödəniş tələb olunmur.

Telefonun bağlanması. Mobil telefonumu öz istəyimlə məhdudlaşdıra bilərəm?

Azərbaycan ərazisinə GSM standartlarına uyğun olmayan gətirilmiş telefonlar sağlamlıq üçün təhlükə törədə, müxtəlif tezliklərdə işləyə, digər tezliklərdə işləyən telefonların iş fəaliyyətini əngəlləyə, IMEI kodları asanlıqla dəyişdirilə və tezliklə sıradan çıxa bilər. Lakin bu günədək istifadə etdiyiniz telefonunuzun orijinal olub-olmamasından asılı olmayaraq həmin telefon avtomatik olaraq qeydiyyata alınan telefonlar siyahısına daxil ediləcək.Əgər yeni gətirdiyiniz telefon standartlara cavab vermirsə o zaman qeydiyyat üçün müraciət edərkən telefonunuzun beynəlxalq GSM standartlarına uyğunluğu, orijinal olması, IMEI kodunun həqiqiliyi yoxlanıldıqdan sonra telefon qeydiyyata alına bilər. Əks halda isə telefonunuz dərhal bağlanacaq.

Qeyri standart telefonlar. Bu hal üçün əlavə prosedura tələb olunurmu?

Əgər hər hansı bir abunəçi (roumer) Azərbaycan Respublikası ərazisində xarici mobil operatorun SİM kartı ilə beynəlxalq rouminq xidmətindən istifadə edirsə, o zaman mobil telefonun qeydiyyata alınmasına heç bir ehtiyac yoxdur.

Rouminq. Azərbaycan respublikası ərazisində rouminq xidmətindən istifadə edən abunəçi mobil telefonunu qeydiyyatdan keçirməlidirmi?

Müvəqqəti olaraq Azərbaycan Respublikası ərazisində məskunlaşmış xarici ölkə vətəndaşları əgər yerli operatorların xidmətlərindən istifadə edirlərsə, o zaman mobil telefonlarını mütləq müvafiq qeydiyyat nöqtələrində qeydiyyatdan keçirməlidir. Telefon qeydiyyatdan keçirilməzsə, 30 gün ərzində telefonun fəaliyyəti dayandırılır.

Əcnəbi yerli sim-kart  ilə. Azərbaycanda yaşayan əcnəbi telefonunu qeydiyyatdan keçirmədən yerli mobil operatorun xidmətindən istifadə edə bilər?

“Mobil cihazların qeydiyyatının aparılması Qaydası”na əsasən ölkə ərazisinə gətirilən və qeydiyyatı zəruri olan mobil telefonların sayına məhdudiyyət qoyulmur. Müvafiq prosedura üzrə gömrük rüsumu isə gömrük orqanları tərəfindən tənzimlənir.

İdxal edilən telefon sayı. Eyni anda neçə mobil telefon ölkəyə gətirə bilərəm?

Eyni anda iki SİM kart (Duos) dəstəkləyən telefonların iki IMEI kodu mövcuddur. Qəbul edilmiş standartlara əsasən bu kodlar bir-birindən yalnız bir rəqəmlə fərqlənirlər. Qeydiyyat üçün müraciət etdikdə hər şey tam qaydasında olarsa, telefonunuzun hər iki IMEI kodu qeydiyyata alınır.

İki və daha çox sim-kartlı telefon. Mobil telefonum eyni anda iki SİM Kart dəstəkləyir. Qeydiyyat üçün hansı qayda tətbiq olunur?

Abunəçi telefonun itirildiyi və ya oğurlandığı halda müvafiq ərizə ilə polisə müraciət etməlidir. Telefonunuzun məhdudlaşdırılması zamanı Bakcell Müştəri Xidmətlərinə müraciət etdikdə sizin mobil telefonunuzun IMEI kodu 24 saat ərzində bağlatdırılacaq.Əgər Sizin telefonunuz iki SİM kartlıdırsa, qəbul edilmiş standarta əsasən digər IMEI kod aktiv qala bilməz. Bu halda hər iki kod nəzərə alınır və telefonunuzun fəaliyyəti dayandırılır.

Oğurlanmış və ya itmiş telefon. Telefonum itdiyi və ya oğurlandığı halda abunəçi nə etməlidir?

Qeydiyyat bazası ölkəyə idxal olunan mobil telefonlarının IMEI kodlarının daxil edilməsi ilə genişləndiriləcək. Ölkəyə idxal olunan telefonların qeydiyyatı və nəzarəti gömrük xidməti tərəfindən və mobil operatorun şəbəkəsinə qoşulmaqla həyata keçiriləcək.Ağ siyahıya – Azərbaycan Respublikasını qanunvericiliyi əsasında qeydiyyata alınmış mobil cihazların IMEI kodları, Beynəlxalq GSM Assosiasiyası tərəfindən təyin edilmiş və dəyişdirilməmiş IMEI kodlar, həmçinin unikal IMEI kodlar daxil edilir. Qara siyahıya – Ölkə qanunvericiliyinə müvafiq qaydada qeydiyyatı keçirilməmiş mobil cihazların IMEI kodları, qaçaqmalçılıq yolu ilə gətirilmiş mobil cihazların IMEI kodları, itirilmiş və oğurlanmış mobil cihazların IMEI kodları, Beynəlxalq GSM Assosiasiyası tərəfindən qeydiyyata alınmamış mobil cihazların IMEI kodları daxil edilir. Ölkəmizdə qara siyahıda olan cihazların mobil rabitə xidmətlərindən istifadə üçün yararlı deyil. Boz siyahıya – Hazırda mobil rabitə xidmətləri üçün istifadə edilən və Ağ siyahıda, yaxud Qara siyahıda qeydiyyata alınmayan telefonların IMEI kodları daxil edilir. Boz siyahıda olan mobil cihazların IMEI kodları Ağ və yaxud Qara siyahıya dəqiq araşdırıldıqdan sonra daxil edilir. Qeydiyyat mərkəzi mobil operatorlardan aldığı məlumatlar əsasında Boz siyahıdakı mobil cihazları müəyyənləşdirəcək.

Qeydiyyat bazası necə təşkil olunur və hansı kateqoriyalar mövcuddur?

Qeydiyyat zamanı ərizədə göstərilən mobil cihazın IMEI kodunun, qeydiyyatı keçirilən telefonlar siyahısında mövcudluğu və ya surətinin köçürülməsi halı aşkarlanarsa mobil cihaz Qara siyahıya daxil ediləcək və fəaliyyəti dərhal dayandırılacaq. Dayandırılma barədə qeydiyyat mərkəzi abunəçiyə rəsmi məlumat göndərəcək. Əgər mobil telefon mobil şəbəkədə istifadə edilirsə o zaman müvafiq mobil operator abunəçini SMS göndərməklə məlumatlındıracaq.

Eyni IMEI kod bazada aşkarlanarsa hansı hal baş verəcək?

Bu layihəyə mobil operatorlarla yanaşı dövlət qurumları da (Rabitə və İnformasiya Texnologiyaları Nazirliyi, Ədliyyə Nazirliyi, İqtisadi İnkişaf Nazirliyi, Fövqəladə Hallar Nazirliyi, Standartlaşdırma, Metereologiya və Patentləşdirmə üzrə Dövlət Komitəsi) cəlb edilib.Sistemin vahid idarəetmə mərkəzi Rabitə və İnformasiya Texnologiyaları Nazirliyində yerləşəcək.

Sistemin yerləşməsi. IMEI kodlar üzrə sistemin idarəedilməsi mərkəzi harada yerləşəcək?

<a href="www.imei.az" target="_blank">www.imei.az</a> internet səhifəsində mobil cihazınızın IMEI kodunu daxil etməklə öyrənmək mümkündür.

Ağ siyahı yoxsa Qara siyahı. Mobil cihazımın hansı siyahıda olmasını necə öyrənə bilərəm?

Telefon satışı ilə məşğul olan dükandan aldığınız cihazın qara siyahıya salınıb salınmamasını <a href="www.imei.az" target="_blank">www.imei.az</a> saytından öyrənə bilərsiniz. Əgər cihaz qara siyahıya salınıbsa, bu cihaz ola bilər ki, ölkəyə qeyri-qanuni yollarla idxal edilib, və ya işlənmiş telefon üzərində bəzi hissə dəyişiklikləri edilərək, yeni kimi satılıb. Bu halda, qara siyahıda olan cihaz alındığı dükana geri qaytarılmalıdır.Əgər siz mobil cihazınızı vaxtlı vaxtında qeydiyyatdan keçirə bilmədiyiniz halda qara siyahıya salınıbsa, o zaman siz standart qeydiyyat prosedura vasitəsi ilə cihazı qara siyahıdan ağ siyahıya keçirdə bilərsiniz.

Qara siyahıda olan nömrəni Ağ siyahıya necə sala bilərəm?

Şəhər nömrələrindən <a href="tel: 157" target="_blank">157</a>, mobil nömrələrindən <a href="tel: 012157" target="_blank">012157</a>&nbsp;nömrəsini yığmaqla həftənin 7 günü, saat 9:00 dan 21:00-a kimi məlumat mərkəzi ilə əlaqə yaratmaq olar.Zəngin qiymətləndirilməsi tarifinizə müvafiq olaraq digər operatora zəng kimi dəyərləndirilir (zəngin tarifikasiya müddəti 60 saniyədir)

Məlumat mərkəzi ilə necə əlaqə saxlamaq olar?

<ul><li>IMEI kod (International Mobile Equipment Identity - Mobil cihazın beynəlxalq tanınması) mobil cihazın unikal seriya nömrəsidir. </li><li>IMEI kod birmənalı olaraq konkret cihazı və onun modelinin tanınmasını təmin edir.</li></ul> IMEI kodu müəyyənləşdirmək: <ul><li>Mobil telefonunuzun IMEI kodunu aldığınız telefonun sənədlərində və qutusunda tapa bilərsiniz; </li><li>IMEI kod həmçinin mobil telefonun daxili hissəsində, batareyanın altında qeyd edilib;</li><li>Siz həmçinin telefonda <a href="tel: *#06#" target="_blank">*#06#</a> yığmaqla IMEI kodu asanlıqla müəyyənləşdirə bilərsiniz.</li></ul> IMEI kodu göndərməklə kampaniyaya qoşulmaq:<ul><li>IMEI kod adətən 15 rəqəmdən ibarət olan unikal koddur. Bakcell şirkətinin təklif etdiyi telefon kampaniyalarına qoşularkən IMEI kodun yalnız 15 rəqəmini yazıb SMS-lə göndərin. </li></ul>Diqqət! Rəqəmləri yazarkən əlavə heç bir işarə və boşluq daxil etməyin! Səhv IMEI kod və yaxud kod artıq istifadə edilib: <ul><li>IMEI kodun səhv, yaxud istifadə edilməsi haqqında mesaj əldə etdikdə ilk növbədə daxil etdiyiniz rəqəmlərin doğruluğunu dəqiqləşdirin. </li><li>Əgər IMEI kodun düzgün daxil edilməsinə baxmayaraq, kampaniyaya qoşulmaq mümkün olmayıbsa telefonun mənşəyini və IMEI kodunu təsdiq edən alış-veriş sənədləri ilə telefon aldığınız dükana yaxınlaşın.</li><li>Sizin təqdim etdiyiniz məlumatların IMEI kod və telefon modeli ilə uyğunluğunu Bakcell şirkətinin bazasında yoxlanılacaq. Sizin mobil cihazınızın IMEI kodunun bazada qeyd olunmaması aşkar edilərsə, müvafiq kodun daxil edilməsi haqqında sorğu göndəriləcək. 2 iş günü keçdikdən sonra siz kampaniyaya qoşulmaq üçün bir daha cəhd edə bilərsiniz.</li></ul>Əgər mobil telefonunuzun IMEI kodu təsadüfən istifadə edilibsə, o zaman Telefonun mənşəyini və İMEİ kodunu təsdiq edın alış-veriş sənədləri ilə telefon aldığınız dükana müraciət edin. Sizin sorğunuz qəbul edilərək 3-4 iş günü ərzində həll olunacaq.