Azərbaycanın ən iri mobil operatorlarından biri olan Bakcell şirkəti abunəçilərinin artan tələbatına cavab olaraq ölkə üzrə əhatə dairəsini genişləndirib. Mart ayında 55 yeni baza stansiyası quraşdırılıb. Onlardan 28-i Bakı və Abşeronda, 27-si isə ölkənin müxtəlif bölgələrində yerləşir. Yeni baza stansiyaları Bərdə, Qəbələ, Qax, Göyçay, Hacıqabul, İsmayıllı, Göygöl, Oğuz, Ordubad, Şahbuz, Şəki, Şamaxı, Şəmkir, Şərur və Tərtər rayonlarında quraşdırılıb. Qeyd edək ki, fevral ayında Bakcell Nokia Siemens Networks şirkəti ilə müqavilə imzalayıb. Həmin müqavilə çərçivəsində Nokia Siemens Networks xidmətlərin keyfiyyətinin yaxşılaşdırılması və əhatə dairəsinin genişləndirilməsi məqsədi ilə GSM şəbəkəsinin genişləndirilməsi və modernləşdirilməsini həyata keçirəcək.