Azərbaycanın ilk mobil operatoru Bakcell, iyunun 30-dan etibarən Klass nömrələri üçün yeni qiymət planı təklif edir. Artıq Klass nömrələrinin yeni qiyməti 6 manatlıq danışıq vaxtı da daxil olmaqla, 10 AZN-dən başlayacaq. Bakcell Klass nömrələrinin (SIM kart) hazırkı qiymətini 24 AZN-dən 10 AZN-nə endirərək, abunəçilərin vəsaitlərinə daha çox dəyər vermiş olur. Bakcell öz Klass abunəçilərinə güzəşt təklif edir və abunəçilər dəqiqəsi 2 qəpiyə olan çox qənaətcil tariflə sevdikləri ilə danışa bilərlər. Son 12 ay ərzində Bakcell şəbəkəsini genişləndirib və Azərbaycanın regionlarında əhatə dairəsini 2 dəfə artırıb. Bakcell-in aktiv abunəçilərinin sayı 2 mln-a çatıb. Bakcell həmçinin öz müştərilərinə EDGE - yüksəksürətli internet də təklif edir. Bakcell-in Klass SIM kart-ları üçün yeni qiymət planı, həmçinin Bakcell-in digər məhsulları və xidmətləri haqqında ətraflı məlumat almaq üçün, xahiş edirik, www.bakcell.com-a daxil olun və ya 555-ə zəng edin. Qeyri-Bakcell abunəçiləri isə 055 000 05 55-ə zəng etməklə Bakcell-in xidmətləri haqqında məlumat əldə edə bilərlər.