Azərbaycanın ilk mobil operatoru olan Bakcell şirkəti Bakının mərkəzində yeni Хidmət Mərkəzi açıb. Yeni Xidmət Mərkəzi Nizami küçəsi 83 ünvanında yerləşir. Mərkəzin açılış mərasimində iştirak edən Bakcell-in Baş İcraçı Direktoru xanım İneke Botterin sözlərinə görə, digər mərkəzlər kimi bu Xidmət Mərkəzi də öz müştərilərinə tam çeşiddə xidmət göstərəcək. Bu, şirkətin Bakıda açdığı sayca 4 - cü Xidmət Mərkəzidir. Hazırda Bakcell-in ölkə üzrə 7 Xidmət Mərkəzi fəaliyyət göstərir. Bunlardan 4 – ü Bakıda, 3 – ü isə Sumqayıt, Gəncə və Naxçıvanda yerləşir.  Bakcell öz müştərilərinə BakcellİM Müştəri və Satış Xidməti Mərkəzləri vasitəsilə də xidmət göstərir. Azərbaycanda hal-hazırda 16 BakcellİM Mərkəzi var. Son 1 il ərzində Bakcell öz şəbəkəsini genişləndirib və Azərbaycanın regionlarında əhatə dairəsini 2 dəfə artırıb. Hazırda Bakcell-in aktiv abunəçilərinin sayı 2 milyonu ötüb. Bakcell-in məhsulları və xidmətləri haqqında ətraflı məlumat almaq üçün, xahiş edirik, 555-ə zəng edin. Qeyri-Bakcell abunəçiləri isə 055 0000 555-ə zəng etməklə Bakcell-in xidmətləri haqqında məlumat əldə edə bilərlər.