Bakcell şirkəti 2024-cü ilin yanvar ayından etibarən qısa nömrələr (25.01.24), həmçinin “DoğmaCIN” və "İLK"  tarifləri (24.01.24) üçün yeni qiymət strukturu təqdim etməyə hazırlaşır.

Dəyişikliyə əsasən:

• Qısa nömrələr üzrə mövcud tarif sistemini dəqiqəsi 0,13 AZN-lik sabit tarif əvəz edəcək;
• “DoğmaCIN” tarifində bölgələrdə şəbəkədaxili zənglərin 1 dəqiqəsinin qiyməti 0.05 AZN təşkil edəcək;
• "İLK" tarifində şəbəkədaxili zənglərin 1 dəqiqəsinin qiyməti 0.06 AZN olaraq dəyişəcək.

Əlavə olaraq 30 yanvar 2024-cü il tarixindən etibarən Mikro Kredit və Pulköçürmə xidmətlərinin sorğu haqqına yeni qiymət strategiyası təyin olunacaq. Qərara əsasən sorğu haqqının vahid qiyməti 0,08 AZN olaraq dəyişəcək.

Təyin olunacaq yeni qiymət dəyişikliyi nəticəsində xidmət keyfiyyətinin daha da yüksəldilməsi ilə yanaşı, abunəçilər üçün şəffaf qiymət modeli, əlverişli və rahat istifadə imkanı təmin olunacaq.