download bakcell application logo

Backcell
    Backcell
    Loading...
    icon

    Xəta

    Xəta

    Əməliyyat uğursuz oldu.
    Loading...
    Bakcell və Enginet şirkətlərindən təhlükəsiz internet həlli: uşaqlarınızı internetdəki arzuolunmaz məzmundan qoruyun
    19.05.2016

    Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti uşaqlar üçün internetdən istifadənin daha təhlükəsiz olmasını təmin edən yeni internet paketlərinin istifadəyə buraxıldığını böyük məmnuniyyətlə elan edir. Bakcell şirkətinin təklif etdiyi bu yeni internet paketləri və Enginet şirkətinin təklif etdiyi “İnternet Filtrasiya Xidməti” sayəsində Bakcell abunəçiləri öz uşaqlarının internetdən təhlükəsiz istifadə etməsini təmin edə biləcəklər. Enginet şirkəti tərəfindən istifadə edilən “Websense” filtrasiya sistemi tərkibində uşaqlar üçün zərərli informasiya daşıyan 90 tematik qrup üzrə 18 milyon veb-səhifəyə çıxışı məhdudlaşdırır. Təhlükəsiz İnternet Paketlərini alan Bakcell müştəriləri daxil olduqları veb səhifələri filtrasiya edərək, öz uşaqlarını aşağıda göstərilən zərərli məzmunlardan qoruya biləcəklər: Böyüklər üçün materiallar: böyüklər üçün məzmun, qadin alt paltari və çimərlik geyimi, çilpaqliq və seksual məzmun, cinsi tərbiyə Narkotiklər: sui-istifadə olunan narkotik maddələr, marixuana, reseptlə buraxilan dərman vasitələri, əlavələr və tərkibi nəzarət olunmayan birləşmələr Qumar oyunları Qanunsuz və ya şühbə doğuran   Davakar və ekstremist      Parked domain                                                                         İrqçi və nifrət ifadə edən                                                                                        Şit, bayağı                                                                     Zorakılıq                                                                            Silahlar İstifadəçi tərəfindən müəyyən olunan: bloklaşdırılıb (fərdi) “Əslində, düzgün istifadə olunduğu halda, internet uşaqların inkişafı üçün çox faydalıdır və bu gün o, təhsil sisteminin olduqca mühüm bir tərkib hissəsidir. Bununla belə, biz valideynlər uşaqlarımızın internetdən necə istifadə etmələrinə hər an nəzarət edə bilmirik. İnternet mühitində uşaqlarımızın diqqətindən uzaq saxlamaq istədiyimiz xeyli zərərli məzmun var. Bunu nəzərə alaraq, öz uşaqlarını internetdəki arzuolunmaz məzmundan qorumaq məqsədi ilə valideynlər üçün arzuolunmaz veb-səhifələri filterdən keçirmək imkanının yaradılması olduqca vacib və aktual məsələyə çevrilir. Bizim təklif etdiyimiz yeni paketlər də məhz bu problemin həllinə yönəlib. Bakcell və Enginet böyük məmnuniyyətlə müştərilərimizin böyük seqmenti üçün nəzərdə tutulmuş Təhlükəsiz İnternet Paketlərini təklif edir. Biz inanırıq ki, öz uşaqlarının internetdə yalnız təhlükəsiz məzmuna baxmasını istəyən valideynlər üçün bu təklif olduqca cəlbedici olacaq” deyə, Bakcell şirkətinin baş marketinq və satış direktoru cənab Fedja Hadziç bildirib.  “Sosial məsuliyyətli bir şirkət olaraq, Bakcell şirkəti uşaqların inkişafını, təhsilini və cəmiyyətə inteqrasiya olunmasını həmişə xüsusi diqqət mərkəzində saxlayır. Bizim həyata keçirdiyimiz “Bakcell Stars” adlanan Korporativ Sosial Məsuliyyət proqramı çərçivəsində hər il yüzlərlə uşağın təhsilinə, gələcəkdə onların daha yaxşı həyatının təminatına töhfə verilir. Uşaqlar üçün təhlükəsiz internet həllinin təklif olunması da bu cür fəaliyyətlərin bir hissəsidir” deyə, Bakcell şirkətinin baş marketinq və satış direktoru əlavə edib.     Uşaqlarınızı yuxarıda qeyd olunan arzuolunmaz məzmundan müdafiə etmək üçün siz sadəcə *134*10#YES yığaraq və ya “10” yazıb 5934 qısa nömrəsinə SMS göndərərək, Bakcell şirkətinin təklif etdiyi Təhlükəsiz İnternet Paketlərini əldə etməlisiniz. 10 GB təhlükəsiz internet paketinin qiyməti 10 AZN təşkil edir. Bu paket mobil telefon və ya noutbuk kimi istənilən cihazlarda istifadə oluna bilər. Aktivləşdirmə  prosesində arzuolunmaz məzmun sistem vasitəsilə sizin mobil internet paketinizdən avtomatik olaraq filtrasiya ediləcək. “Uşaqların internet mühitində mövcud olan bütün mümkün təhlükələrdən müdafiə olunması məsələsinin vacibliyi danılmazdır. Belə bir məhsulun bütün mobil operatorların portfellərində olması mütləq şərtdir. Virtual aləm real həyatdan heç də az təhlükəli olmaya bilər: burada virtual cinayətlər, xuliqanlıq, zərərli, pornoqrafik, bütün növ pozğunluqları, əxlaqsızlığı, aqressivliyi yayan materiallar və sosial təhlükəli məzmun, hətta intihara həsr olunmuş veb-səhifələr var. Bu cür təhlükələr uşaqlara ciddi fiziki və psixoloji zərər yetirə bilər. Son illər mobil cihazlardan istifadənin artması ilə bağlı bu məsələ daha vacib xarakter alır. Orta məktəblərdə, hətta məktəbəqədər müəssisələrdə oxuyan uşaqlar müxtəlif mobil cihazlardan istifadə edirlər. Uşağı real təhlükə olan virtual aləmlə təkbaşına necə buraxmaq olar? Ya gərək qadağa qoya, ya da qoruyasan. Qadağan etmək, demək olar ki, heç mümkün deyil, çünki bu texnologiyalar artıq bizim həyatımızın bir hissəsinə çevrilib, ona görə də nizamlamaq və müdafiə etmək lazımdır. Yeganə yol budur” deyə, Enginet şirkətinin Baş kommersiya direktoru cənab Aydın Əsgərov birdirib. *** Bakcell haqqında Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti müasir mobil kommunikasiya xidmətləri istifadəçilərinə geniş çeşiddə məhsullar təklif edir. Bakcell, Sür@ ticarət nişanı adı altında öz abunəçilərinə ən mükəmməl 3G və 4G mobil internet xidməti göstərir. 5300-dən artıq baza stansiyası sayəsində Bakcell şəbəkəsi əhalinin 99%-ni, ölkə ərazisinin isə 93% -ni (işğal olunmuş ərazilər istisna olmaqla) əhatə edir. İnnovasiyalar sahəsində lider olan Bakcell şirkəti öz Sür@ xidməti və yeni əməkdaşlıqlar vasitəsilə Azərbaycan xalqını ən yüksək səviyyəli mobil internet xidmətləri ilə təmin edir. “Bakcell”in 3G xidməti Azərbaycanın bütün regionlarında mövcud olmaqla əhalinin 93%-ni əhatə edir. Bakcell və onun məhsul və xidmətləri haqqında ətraflı məlumat əldə etmək üçün, xahiş edirik, www.bakcell.com internet səhifəsinə daxil olun və ya 555-ə zəng edin. Press-relizlərlə tanış olmaq üçün www.bakcell.com/az/news (və ya İngilis dili üçün www.bakcell.com/en/news) səhifəsinə daxil olun. Qeyri-Bakcell abunəçiləri isə 055 0000 555 nömrəsinə zəng etməklə Bakcell-in xidmətləri haqqında məlumat əldə edə bilərlər.  *** Enginet haqqında Enginet şirkəti 2009-cu ildə yaradılıb. Şirkətin əsas fəaliyyət istiqamətləri aşağıdakılardır: İnternet xidmətlərinin təqdim olunması Sistem inteqrasiyası üzrə xidmətlərin təqdim olunması Reallaşdırılan layihələr üzrə müşayiət və texniki dəstək Enginet şirkəti Azərbaycanda ilk dəfə olaraq Birlink brendi ilə üçü birində (Triple Play) GPON texnologiyası ilə istifadə edilən internet, televiziya, telefon xidmətini təqdim edib. Birlink abunəçilərinə evlərə çəkilmiş fiberoptik kabel vasitəsilə yüksək səviyyəli xidmət təqdim edilir.