download bakcell application logo

Backcell
    Backcell
    Loading...
    icon

    Xəta

    Xəta

    Əməliyyat uğursuz oldu.
    Loading...
    “Mançester Yunayted” Yay Futbol Məktəbinin qalibi “World Skills Final 2013” yarışmasına qatılıb
    23.10.2013

    Azərbaycanın İlk Mobil Operatoru və Aparıcı Mobil İnternet Provayderi Bakcell şirkətinin Azərbaycan Futbol Federasiyaları Assosiasiyası (AFFA) ilə birgə təşkil etdiyi “Mançester Yunayted” Yay Futbol Məktəbinin uğurlu işritakçılarından biri olan Tamerlan Rizvanov adıçəkilən məktəbin “World Skills Final 2013” finalına qatılmaq üçün Mançesterdə olub. “Mançester Yunayted” klubu ilə əməkdaşlıq çərçivəsində Bakcell tərəfindən Azərbaycana gətirilmiş yay futbol məktəbi idman aləmində bu yayın ən əhəmiyyətli tədbirlərindən birinə çevrilib. Futbol məktəbinin əsas məqsədi Azərbaycanın bölgələrində yaşayan 8-12 yaşlı uşaqlar arasında gənc istedadları aşkar etmək idi. Uşaqların seçimi prosesinə dəstək və nəzarət AFFA tərəfindən həyata keçirilib. Bakcell Arena stadionunda keçirilən yay futbol məktəbində iştirak üçün mindən artıq namizəddən 32 nəfər gənc istedad seçilib.  Daha sonra Bakıda təşkil olunan “Mançester Yunayted” Yay Futbol Məktəbinin nəticələrinə uyğun seçilən 6 gənc istedad - Samir Məhərrəmli, Turan Vəlizadə, Zeynəddin Abdurrahmanov, Tamerlan Rizvanov, Xəyal Əliyev və Nigar Mirzəliyeva 2013-cü ilin avqust ayında Mançester şəhərinə səfər edib, əfsanəvi “Old Trafford” stadionu, “Mançester Yunayted Futbol Akademiyası”, eləcə də komandanın təlim-məşq bazasını ziyarət etmək imkanı qazanıblar. Mançesterdə səfərdə olan gənc istedadlarımızdan biri – Tamerlan Rizvanov xüsusi nəticə nümayiş etdirərək “Mançester Yunayted” Yay Futbol Məktəblərinin “World Skills” finalına qədər yüksələ bilib. Hazırda finalda çıxış etmək üçün Böyük Britaniyada olan Tamerlan bir çox ölkələrdən gələn həmyaşıdları ilə yarışıb. Final yarışı 17–20 oktyabr tarixləri arasında keçirilib. Yarışdan sonra iştirakçılar müxtəlif əyləncə tədbirlərində iştirak etməklə yanaşı, “Mançester Yunayted”in təlim-məşq bazası və tarix muzeyini ziyarət edib, “Old Trafford” stadionunda keçiriləcək “Mançester Yunayted”in oyununu izləyiblər. *** Bakcell haqqında Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti müasir mobil kommunikasiya xidmətləri istifadəçilərinə geniş çeşiddə məhsullar təklif edir. Bakcell, Sür@ ticarət nişanı adı altında öz abunəçilərinə ən mükəmməl 3G mobil internet xidməti göstərir. Ölkənin qeyri-neft sektorunun ən iri investorlarından biri olan Bakcell, ən son texnologiyalar və abunəçilərinə xidmət edən insan resursları vasitəsilə Azərbaycan iqtisadiyyatına böyük həcmdə sərmayə yatırmaqda davam edir. Uzunmüddətli tərəfdaşlıq müqaviləsi çərçivəsində Bakcell şirkəti bütün MDB məkanında “Mançester Yunayted”in ilk rəsmi telekommunikasiya və yayım partnyoru olaraq Azərbaycandakı futbol həvəskarlarına və xüsusilə, Mançester Yunayted azarkeşlərinə geniş çeşidli xüsusi və eksklüziv məzmun təqdim edir. Bakcell və onun məhsul və xidmətləri haqqında ətraflı məlumat əldə etmək üçün, xahiş edirik, www.bakcell.com internet səhifəsinə daxil olun və ya 555-ə zəng edin. Press-relizlərlə tanış olmaq üçün www.bakcell.com/az/news (və ya İngilis dili üçün www.bakcell.com/en/news) səhifəsinə daxil olun. Qeyri-Bakcell abunəçiləri isə 055 0000 555 nömrəsinə zəng etməklə Bakcell-in xidmətləri haqqında məlumat əldə edə bilərlər.