download bakcell application logo

Backcell
    Backcell
    Loading...
    icon

    Xəta

    “Mançester Yunayted”in Yay Futbol Məktəbinin qalibləri vətənə geri döndü.
    03.09.2013

    Azərbaycanın İlk Mobil Operatoru və Aparıcı Mobil İnternet Provayderi Bakcell şirkətinin  “Futbol Bakcell ilə” proqramı çərçivəsində Bakıda təşkil olunan “Mançester Yunayted”in Yay Futbol Məktəbinin yekunları bəlli olub. Belə ki, 24-28 iyun 2013-cü il tarixlərində Bakıda Bakcell və Azərbaycan Futbol Federasiyaları Assosiasiyası (AFFA)-nın birgə təşkilatçılığı ilə keçirilən təlim-məşq toplanışının ən yaxşıları  Mançester səfərindən geri dönüblər. Xatırladaq ki, məktəbin seçim turları Bakı və Azərbaycanın bir sıra regionlarında (Gəncə, Mingəçevir, Lənkəran və Sumqayıt) AFFA əməkdaşlarının nəzarəti altında təşkil edilmişdi. Seçimdən müvəffəqiyyətlə keçmiş 8-12 yaş arası 32 gənc istedad 24-28 iyun tarixlərində Bakıda, “Bakcell Arena”da “Mançester Yunayted” futbol məktəbinin məşqçiləri Karl Uayld və Pol Qrey tərəfindən keçirilmiş təlim-məşq toplanışlarında iştirak ediblər. Təlim-məşq toplanışının nəticələrinə uyğun seçilən 6 gənc istedad - Samir Məhərrəmli, Turan Vəlizadə, Zeynəddin Abdurrahmanov, Tamerlan Rizvanov, Xəyal Əliyev və Nigar Mirzəliyeva Mançester şəhərinə səfər edib, əfsanəvi “Old Trafford” stadionu, “Mançester Yunayted Futbol Məktəbi”, eləcə də komandanın təlim-məşq bazasını ziyarət etmək imkanını qazanıblar.  Qeyd edək ki, qrupun yeganə xanım üzvü - Nigar Mirzəliyeva avqustun 3-dən 10-dək Mançesterdə yeniyetmə qız futbolçular üçün təşkil olunan təlim-məşq toplanışına qatılıb. Avqustun 10-dan etibarən başlayan Mançester səfəri zamanı gənc futbolçularımız “Mançester Yunayted" Futbol Məktəbinin Mançester şəhərindəki Denston kollecində keçirilən təlim-məşq toplanışlarına qatılıb və onlardan biri - Tamerlan Rizvanov "Mançester Yunayted" Futbol Məktəbinin Dünya Bacarıqlar Finalına vəsiqə qazanıb. Tamerlan Böyük Britaniya və dünya üzrə məktəbin digər kurslarının qalibləri ilə bacarıqlar yarışmasında özünü sınayacaq. “Bu sanki bir yuxudur və mən hələ də bütün bunların baş verdiyinə inanana bilmirəm. Bakcell şirkətinə, AFFA-ya, bir sözlə, bu layihəni həyata keçirən və bizlərə inanan hər kəsə çox sağ ol deyirəm. Etimadınızı doğrultmaq üçün əlimdən gələni edəcəm”, - deyə gənc istedad Tamerlan Rizvanov qeyd edir. Avqustun 28-də Mançester səfərindən geri dönən qrup Bakcell-in Baş Ofisini ziyarət edib, şirkətin əməkdaşları və rəhbərliklə görüşərək xatirə şəkilləri çəkdiriblər. Bakcell-in Baş Marketinq Direktoru Aynur Abjanova: “Bakcell şirkəti Azərbaycanda futbolun inkişafına, xüsusilə də gənc istedadlar və onların gələcəyinə sərmayə qoyulmasına böyük diqqət yetirir. Ən iri layihələrimizdən biri olan “Futbol Bakcell ilə” AFFA və "Mançester Yunayted" klubu ilə birgə əməkdaşlıq çərçivəsində həyata keçirilir. "Mançester Yunayted" Yay Məktəbi bu layihənin tərkib hissəsidir. Bu layihə Azərbaycan futbolunun gələcəyi üçün mühüm bir sərmayədir və biz bu prosesdə  iştirak etdiyimizə görə çox məmnunuq. Əminik ki, böyük potensiala malik olan gənclərə peşəkarlar tərəfindən təlim keçilməli və onların bacarıqları üzə çıxarılmalıdır. Tamerlanın uğuru işimizin müsbət nəticələrininin əyani nümunəsidir və mən əminəm ki, bu uğur gələcək uğurlara doğru ilk addımıdır”. AFFA-nın baş katibi Elxan Məmmədov: "AFFA və Bakcell-in birgə əməkdaşlığı çərçivəsində həyata keçirilən "Futbol Bakcell ilə" layihəsini əminliklə uğurlu layihə adlandırmaq olar. Qısa zaman kəsiyində kifayət qədər diqqətçəkən işlər görülüb. Bu ilin iyun ayından etibarən müxtəlif regionlarda, həmçinin paytaxt Bakıda seçim turları təşkil olundu, "Bakcell Arena"da isə bu layihəyə öz töhfəsini verən "Mançester Yunayted" Yay Futbol Məktəbinin məşqçilərinin rəhbərliyi ilə təlim-məşq toplanışı keçirildi. Bu prosesdə seçilən uşaqlar artıq Mançester şəhərinə səfər edib, "Mançester Yunayted" Yay Futbol Məktəbində toplanışda olublar. Hesab edirəm ki, kiçik yaşlarından bu seleksiya prosesində və təlim-məşq toplanışında iştirak etmələri həmin uşaqların futbola daha da maraqla yanaşmasına, bu idman növü ilə gələcəkdə peşəkar şəkildə məşğul olmasına zəmin yaradacaq". ***  Bakcell haqqında Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti müasir mobil kommunikasiya xidmətləri istifadəçilərinə geniş çeşiddə məhsullar təklif edir. Bakcell, Sür@ ticarət nişanı adı altında öz abunəçilərinə ən mükəmməl 3G mobil internet xidməti göstərir. Ölkənin qeyri-neft sektorunun ən iri investorlarından biri olan Bakcell, ən son texnologiyalar və abunəçilərinə xidmət edən insan resurslarına sərmayə qoyaraq, Azərbaycan iqtisadiyyatına böyük həcmdə sərmayə yatırmaqda davam edir. Bakcell-in şəbəkəsi ölkə əhalisinin 99%, ölkə ərazisinin 92%-ni (işğal olunmuş ərazilər istisna olmaqla) əhatə edir. İnnovasiyalar sahəsində lider olan şirkət, Sür@ xidməti və yeni tərfədaşlıqları vasitəsilə Azərbaycan əhalisini ən yüksək səviyyəli mobil internet xidmətləri ilə təmin edir. 257 pərakəndə satış nöqtəsi və həftənin 7 günü, günün 24 saatı fəaliyyət göstərən 7 Müştəri Xidmətləri Mərkəzində istifadəçilərə ən üstün müştəri təcrübəsi təklif olunur. Bakcell və onun məhsul və xidmətləri haqqında ətraflı məlumat əldə etmək üçün, xahiş edirik, www.bakcell.com internet səhifəsinə daxil olun və ya 555-ə zəng edin.  Press-relizlərlə tanış olmaq üçün www.bakcell.com/az/news (və ya İngilis dili üçün www.bakcell.com/en/news) səhifəsinə daxil olun. Qeyri-Bakcell abunəçiləri isə 055 0000 555 nömrəsinə zəng etməklə Bakcell-in xidmətləri haqqında məlumat əldə edə bilərlər.