Balans artırılması

Azərbaycanda ilk mobil rabitə operatoru olan Bakcell şirkəti, 10-15 aprel tarixlərində Bakıda keçirilmiş Uşaqlar arasında V Beynəlxalq Şahmat Turnirinə öz dəstəyini göstərib. “Gənclik” Şahmat Klubu və “British school” tərəfindən təşkil edilmiş, “Odlar Yurdu” Universitetində keçirilmiş bu turnirdə Türkiyə, Polşa, Gürcüstan, Şotlandiya, Bolqarıstan, Trinidad və Tobaqo, Hindistan və Azərbaycan daxil olmaqla 8 ölkədən 42 gənc şahmatçı iştirak edib. Turnirdə Gürcüstan, Bolqarıstan və Azərbaycan təmsilçiləri qalib gəlib. Turnirin qaliblərinə Bakcell şirkəti tərəfindən mobil telefonlar hədiyyə edilib. Uşaq şahmatının inkişafını və ümumiyyətlə, uşaqların intellektual bacarıqlarının artırılmasına yönəlmiş digər təhsil və sosial yönümlü layihələri dəstəkləməklə, Bakcell şirkəti uşaqlara qarşı öz korporativ sosial məsuliyyətini (KSM) nümayiş etdirir. “Bakcell Stars” adlanan KSM programı çərçivəsində şirkət Save the Children (Uşaqların Xilası), SOS Uşaq Kəndləri, Azərbaycana Birgə Yardım (UAFA) və Sosial Xidmətlər Təşəbbüsü təşkilatları ilə əməkdaşlıq edir. Bakcell tərəfindən dəstəklənən uşaqlar üçün təhsil layihələri sırasında məktəblilər üçün “Teatr vasitəsilə sağlam həyat bacarıqları”,  əlilliyi olan uşaqlar üçün “İncəsənət vasitəsilə ünsiyyət”, SOS Uşaq Kəndlərində “Uşaq xoru” və eşitmə qüsurlu uşaqlar üçün “İnkişaf və iştirak üçün idman” kimi layihələr var. Bakcell və onun məhsul və xidmətləri haqqında ətraflı məlumat əldə etmək üçün, xahiş edirik, 555-ə zəng edin. Qeyri-Bakcell abunəçiləri isə 055 0000 555-ə zəng etməklə Bakcell-in xidmətləri haqqında məlumat əldə edə bilərlər.