Balans artırılması

Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti, “İnfoMas” İctimai Birliyi tərəfindən  məktəblilərin beynəlxalq olumpiadada iştirakını nəzərdə tutan  layihəyə dəstək  göstərir. Azərbaycan Respublikası Təhsil Nazirliyinin dəstəyi ilə həyata keçirilən layihə çərçivəsində informatika sahəsində xüsusi istedadı ilə fərqlənən 4  məktəbli (Tahir Əlizadə, Əliağa Şirinov, Elgün Cəbrayılzadə və Fateh İbrahimli) üçün xüsusi hazırlıq kursları təşkil olunub. Zəruri göstəricilərə uyğun təşkil olunan hazırlıq proqramı zamanı seçilmiş istedadlı şagirdlər üçün xaricdən dəvət olunmuş beynəlxalq məsləhətçilərin iştirakı ilə çoxsaylı təlimlər keçirilib. Uşaqların müxtəlif olimpiadalara hazırlığı üçün alqoritmlər, proqramlaşdırma, internet və digər mövzular üzrə müxtəlif nüfuzlu nəşrlərdə istifadə olunan və 1000-dən çox tapşırığı əhatə edən təlim materialları hazırlanaraq dərc olunub. Bu ilki Beynəlxalq İnformatika Olimpiadasında Azərbaycanı təmsil edəcək şagirdlər iyul ayının 11-də  Tayvana yola düşürlər. 1989-cu ildən başlayaraq təşkil olunan Beynəlxalq İnformatika Olimpiadası dünya ölkələrində təhsilin və innovativ təhsil texnologiyalarının inkişafında mühüm rol oynayır. Bu olimpiadalarda istifadə olunan məsələlər məktəb proqramın məzmununa daxil edilmiş məsələlərdən dəfələrlə çətin olduğundan  xüsusi yanaşma tələb edir.   Bakcell şirkəti gənclərin informasiya- kommunikasiya texnologiyaları sahəsində inkişafını nəzərdə tutan bir çox layihəni dəstəkləyir. Bakcell inanır ki, Azərbaycan Respublikası Təhsil Nazirliyinin və İnfoMas İB-nin bu təşəbbüsü uğurlu olacaq və bundan sonra ölkəmiz Beynəlxaq İnformatika Olimpiadasında davamlı şəkildə təmsil olunacaq. Bakcell Azərbaycanın komandasına uğurlar arzulayır! *** Bakcell haqqında Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti müasir mobil kommunikasiya xidmətləri istifadəçilərinə geniş çeşiddə məhsullar təklif edir. Bakcell, Sür@ ticarət nişanı adı altında öz abunəçilərinə ən mükəmməl 3G mobil internet xidməti göstərir. Ölkənin qeyri-neft sektorunun ən iri investorlarından biri olan Bakcell, ən son texnologiyalar və abunəçilərinə xidmət edən insan resursları vasitəsilə Azərbaycan iqtisadiyyatına böyük həcmdə sərmayə yatırmaqda davam edir. Bakcell şəbəkəsi əhalinin 99%-ni, ölkə ərazisinin isə 93% -ni (işğal olunmuş ərazilər istisna olmaqla) əhatə edir. İnnovasiyalar sahəsində lider olan Bakcell şirkəti öz Sür@ xidməti və yeni əməkdaşlıqlar vasitəsilə Azərbaycan xalqını ən yüksək səviyyəli mobil internet xidmətləri ilə təmin edir. Bakcell şirkəti məşhur beynəlxalq “The Business Year” nəşri tərəfindən “İlin Mobil İnternet Provayderi” elan edilib. 1000-dən artıq 3G stansiyaları sayəsində “Bakcell”in 3G xidməti əhalinin 80%-ni, ölkə ərazisinin isə 55% -ni (işğal olunmuş ərazilər istisna olmaqla) əhatə edir və bütün bölgələrdə təklif olunur. 300 pərakəndə satış nöqtəsi və paytaxt və bölgələrdə fəaliyyət göstərən 5 Müştəri Xidməti Mərkəzində Bakcell abunəçilərinə ən üstün müştəri xidməti göstərilir. Bakcell və onun məhsul və xidmətləri haqqında ətraflı məlumat əldə etmək üçün, xahiş edirik, www.bakcell.com internet səhifəsinə daxil olun və ya 555-ə zəng edin. Press-relizlərlə tanış olmaq üçün www.bakcell.com/az/news (və ya İngilis dili üçün www.bakcell.com/en/news) səhifəsinə daxil olun. Qeyri-Bakcell abunəçiləri isə 055 0000 555 nömrəsinə zəng etməklə Bakcell-in xidmətləri haqqında məlumat əldə edə bilərlər.